ഞായറാഴ്ച ആരാധനക്ക് ശേഷമുള്ള പ്രസംഗത്തില്‍ മാത്യു അച്ചായാന്‍ ആല്‍ഫയും ഒമേഗയും കഴിഞ്ഞ് ആധുനിക ശാസ്ത്രത്തിലേക്ക് കാലെടുത്തു വെച്ചപ്പോള്‍ ഞാന് പതിയെ പള്ളി വിട്ടിറങ്ങി . പ്രസംഗവേദിയില്‍ അച്ചായന് കസറുകയാണ്. ഭക്തര്‍ ചെവി വട്ടം പിടിച്ചു ശ്രദ്ധിക്കുന്നു .ചിലര്‍ രാത്രിയില്‍ കിട്ടാതെ പോയ ഉറക്കത്തിന്റെ ബാക്കി കടങ്ങള്‍ തല കുമ്പിട്ടു വീട്ടി തീര്‍ക്കുന്നു .അച്ചായന് വിടാന്‍ ഉള്ള ഭാവമില്ല .കഴിയുമെങ്കില്‍ ഒരു മൂന്നു പേര്‍ക്കെങ്കിലുംഇന്നു തന്നെ പുള്ളിക്കാരന്‍ സ്വര്‍ഗത്തിലേക്കുള്ള വിസ ശരിയാക്കി കൊടുക്കും .
പുറത്തെ ഹാളില്‍ ചില കുട്ടികള്‍ ഓടിക്കളിക്കുന്നു .ചിലര്‍ പോക്കിമോന്റെയും , ബൂഗിമാന്റെയുംവീര സാഹസിക കഥകള്‍ പങ്കു വെയ്ക്കുകയാണ് .മറ്റു ചില കുട്ടികള്‍ നെന്ടോദീഎസില്‍ കളിക്കുന്നു . തണുപ്പില്‍ നിന്നും രക്ഷ തേടാന്‍ ഒരുക്കിയിരിക്കുന്ന കാപ്പിക്ക് ചുറ്റും വെടി വട്ടങ്ങളും കൊച്ചു വര്‍തമാനങ്ങളുമായി ഒതുങ്ങി കൂടിയിരിക്കുന്ന ചില ഐ .ടി .തലകള്‍ .അമേരിക്കയുടെ സാമ്പത്തിക മാന്ദ്യവും ചൈനയുടെ കടന്നാക്രമണങ്ങളും കേരളത്തിലെ കമ്മ്യൂണിസ്റ്റ് ഭരണത്തെയും മറ്റും വിശദമായി ചുറ്റി ചര്‍ച്ചകള്‍ ചൂടി പിടിച്ചു കടന്നു പോകുകയാണ് .ഞാനും പതുക്കെ അവര്‍ക്കൊപ്പം കൂടി .
ആരോ കൂട്ടത്തില്‍ പറയുന്നതു കേട്ടു .
" ഇന്നും അച്ചായന് ആല്‍ഫയും ഒമേഗയും എടുത്താണ് കളിക്കുന്നത് .
ഇങ്ങേര്‍ക്ക് ഇതു മാത്രമെ ഉള്ളോ എപ്പോഴും വിഷയമായി ? "
"അച്ചായന് അറിയാവുന്ന ചില വിഷയങ്ങള്‍ ഇതൊക്കെയാകാം ."
വിമര്‍ശനബുദ്ധിയുള്ള യുവാക്കള്‍ പുറത്തു നിന്ന് അച്ചായന്റെ വീര സാഹസിക കഥകള്‍ വര്‍ണ്ണിക്കാന്‍ തുടങ്ങി .നമ്മുടെ മാത്യു അച്ചായന് നല്ലൊരു കോഴിയാണ് എന്നതാണ് അവരുടെ ഇപ്പോഴത്തെ വിഷയം . ഒരു പക്ഷെ ശരിയായിരിക്കും .
ഞാനും ആലോചിച്ചു .
കഴിഞ്ഞ ആഴ്ച ഞാന് കണ്ടതല്ലേ നമ്മുടെ ആനിചേച്ചിയെ നന്നായി പുറകില്‍ ഒക്കെ ഒന്നു തടവി വിട്ടത്.
" എന്തൊക്കെയുണ്ട് മോളെ വിശേഷങ്ങള്‍ "? .
എന്ന് ചോദിച്ച് ചേര്‍ത്ത് പിടിച്ചു നന്നായി പുറത്തൊക്കെ ഒന്നു തടവി .പക്ഷേ അതൊക്കെ ഒന്നും മനസ്സില്‍ വെച്ചായിരിക്കില്ല.ഒരപ്പന് മകളോട് തോന്നുന്ന സ്നേഹത്തെ എങ്ങനെ മറ്റൊരു കണ്ണില്‍ കൂടി കാണാന്‍ പറ്റും ?
എന്റെ നാട്ടിലും ഇങ്ങനെ ഒരപ്പച്ചന്‍ ഉണ്ടായിരുന്നു .എണ്‍പതു വയസായി എങ്കിലും കൊച്ചു പെമ്പിള്ളാരെ കണ്ടാല് ഒരു പ്രത്യേക സ്നേഹമാണ് .
കവിളില്‍ ഒന്നു തൊട്ട്,പുറത്തൊന്നു തലോടി ..അങ്ങനെ അങ്ങനെ അതൊക്കെ മക്കളോട് തോന്നുന്ന സ്നേഹമായല്ലേ കാണാന്‍ കഴിയു .അതിന് അപ്പുറം ഒന്നും മനസ്സില്‍ കാണുകയില്ലായിരിക്കും.
അല്ലെങ്കില്‍ തന്നെ ഈ ആളുകള്‍ നോക്കി ഇരിക്കുകയാണ് മറ്റുള്ളവരെ കുറിച്ച് എന്തെങ്കിലും ഒക്കെ ദൂഷ്യങ്ങള്‍ കണ്ടു പിടിക്കാന്‍ .
ഞാന് മാത്യു അച്ചായനെ ഉപമകളാല്‍ അനുകൂലിക്കാന്‍ ശ്രമിച്ചു .
"എന്റെ അച്ചായ ..അങ്ങനെ അല്ല കാര്യങ്ങള് ..."
മറ്റുള്ളവര്‍ മറു വാദങ്ങളുമായി എന്നെ എതിര്‍ക്കാന്‍ ശ്രമിച്ചു.
" ആളുകള്‍ അവിടെയും ഇവിടയും ഒക്കെ നിന്ന് നമ്മളെ ശ്രദ്ധിക്കുന്നു .ആരെങ്കിലും ഒക്കെ കേട്ടാല്‍ മോശമാണ് നമുക്കു അല്പം മാറി നിന്ന് സംസാരിക്കാം " ഞാന് പറഞ്ഞു .
ഞങ്ങള്‍ ഒരു മൂലയ്ക്ക് മാറി നിന്ന് അച്ചായന്റെ വീര സാഹസിക കഥകള്‍ പറയാന് ചര്‍ച്ച ചെയ്യാന്‍ തുടങ്ങി .
ആനിക്കാട് മുക്കിന് മാത്യു അച്ചായന് അമേരിക്കയില്‍ നിന്നു പോയിട്ട് ബര്‍മുടയില്‍ നിന്ന കഥ മുതല്‍ അച്ചായന് ആദ്യമായി അമേരിക്കയില്‍ സുവിശേഷം പഠിക്കാന്‍ വന്നതും , സരസു ആന്റിയെ കണ്ടുമുട്ടിയതും ,അനുരാഗ ബീജം വളര്‍ന്നു പടര്‍ന്നു പന്തലിച്ചു മുട്ടിട്ടതും ,പരാഗ രേണുക്കള്‍ വളര്‍ന്നു അമേരിക്കയിലെ മണ്ണില്‍ ഓടികളിച്ചതും ,ഗ്രീന്‍ കാര്‍ഡ് കിട്ടിയതും ,അമേരിക്കന്‍ പൌരന്‍ ആയതും ,അച്ചായന്റെ ഈച്ച സ്വഭാവം മൂലം അമ്മാമ്മ ഇട്ടിട്ടു പോയതും ,വീണ്ടും ആനിക്കാട്ടു നിന്നും ഏലിയാമ്മ ചേട്ടത്തിയെ കെട്ടി അമേരിക്കയില്‍ വരുന്നതും ..അങ്ങനെ ഒരു മുഴുനീളന്‍ ഹാസ്യ കഥക്ക് പരിസമാപ്തി എത്തി നില്‍ക്കുമ്പോള്‍ പള്ളി പിരിഞ്ഞു ആളുകള്‍ പുറത്തേക്ക് വരാന്‍ തുടങ്ങി .
എന്റെ ശ്രീമതിയുടെ മുഖം നന്നായി ദേഷ്യം കൊണ്ടു ചുവന്നിരിക്കുന്നു .ഇന്നത്തെ ദിവസം കോളായി.
ഞാന് മനസ്സില്‍ പറഞ്ഞു .
"പള്ളി പിരിയാന്‍ കണ്ട ഒരു നേരം ".
എന്റെ അടുത്ത് വന്നു ശ്രീമതി പറഞ്ഞു .
എന്തിനാ ഈ പള്ളിയില്‍ വരുന്നത് ? ഇതിനേക്കാള്‍ നല്ലത് വീട്ടില്‍ ഇരിക്കുന്നതല്ലേ ?
ഹോ ..നിന്റെ ഒരു കാര്യം . ഇങ്ങനെയൊക്കെയല്ലേ നമ്മള്‍ കാര്യങ്ങള് അറിയുന്നത് ? അതിന് നീ ഒന്നും കേട്ടില്ലല്ലോ . ഞങ്ങള്‍ അമേരിക്കയിലെ സാമ്പത്തിക കാര്യങ്ങള് ചര്‍ച്ചചെയ്യുകയായിരുന്നില്ലേ ?
കാറിലേക്ക് നടക്കുമ്പോള്‍ അവള് പറഞ്ഞു
" പിള്ളാരോട് പറയും പള്ളിയില്‍ നിന്നും പുറത്തിറങ്ങരുത് .എന്നിട്ട് തന്തമാര്‍ പുറത്തു നിന്നും കൊതിയും നുണയും പറയുകയും " .
ഞാന് ഒന്നും പറയാന് പോയില്ല .
അല്ലെങ്കില്‍ തന്നെ മൌനം വിദ്വാനു ഭൂഷണം എന്നല്ലേ പറയുന്നത്
കാര്‍ ഓടിക്കുമ്പോഴും എന്റെ ചിന്തയില്‍ ഇതായിരുന്നു
"എന്നാലും അച്ചായന് ഒരു പുലി തന്നെ "
