♫ ♥ .. വെള്ള മേഘങ്ങള്‍ക്കിടയില്‍ നിന്ന് ദൈവം പുഞ്ചിരിക്കുന്നുണ്ട്.. ♥ ♫
പരിപ്പ്‌കറി ഇങ്ങനാണൊ എന്ന് ഒന്നും ചോദിക്കരുത്
തേങ്ങയും തേങ്ങാപാലും ഇല്ലാതിരുന്ന ഒരു ദിവസത്തെ ശ്രമം. സ്വാദ് നന്നായിരുന്നു
1.
അരകപ്പ് പരിപ്പ്
ഒരു ചെറിയ സവോള പൊടിയായി അരിഞ്ഞത്
രണ്ട് ചുള വെളുത്തുല്ലി
കാല്‍ റ്റീസ്പൂണ് ജീരകപ്പൊടി
കാല്‍ റ്റീസ്പൂണ് മഞ്ഞള്‍പൊടി
3 പച്ചമുളക് കീറിയിടുക
ഒരു തക്കാളി പൊടിയായി അരിഞ്ഞത്
ഉപ്പ് ആവശ്യത്തിനു
വെള്ളം ഒന്നര കപ്പ്
ഇവ ഒന്നിച്ചാക്കി അടുപ്പില്‍ വച്ച് ചെറു തീയില്‍ നന്നായി വേവിക്കുക
2. കടുക്
വറ്റല്‍ മുളക്
കറിവേപ്പില
2 സവോള - പൊടിയായി അരിഞ്ഞത്.
എണ്ണ വറുക്കാന്‍ മാത്രം
എണ്ണ ചൂടാവുമ്പോള്‍ കടുക്, വറ്റല്‍ മുളക്,
സവോള പൊടിയായി അരിഞ്ഞത്, കറിവേപ്പില
ഇവ യഥാക്രമം എണ്ണയില്‍ വറുക്കുക,
സ്വര്‍ണ നിറമാവുമ്പോള്‍ വെന്ത പരിപ്പില്‍ കൊട്ടുക.
മല്ലിയിലയുടെ സ്വാദ് ഇഷ്ടമുള്ളവര്‍ക്ക് അതും ഇടാം
ചപ്പാത്തിക്കും ചോറിനും നല്ല കറി
വറുത്ത ഉള്ളിയുടെ സ്വാദ് തേങ്ങയില്ലത്ത കുറവ് അറിയിക്കില്ല.
പിന്നെ അല്പം നെയ്യ് ചേര്‍ത്താല്‍ വയ്ക്ക് രുചി
തടിക്ക് ...ഹിഹിഹി [ചാണക്യന് കടപ്പാട്]
ഇന്ത്യ കാത്തിരുന്ന നിമിഷം. അത് സംഭവിച്ചു. റസുല്‍ പൂക്കുട്ടിക്കും എ ആര്‍ റഹ്മാനും ഓസ്കര്! സ്ലംഡോഗ് മില്യണയര്‍ എന്ന ചിത്രമാണ് പൂക്കുട്ടിക്കും റഹ്മാനും ഓസ്കര് നേടിക്കൊടുത്തത്.
കൊല്ലം അഞ്ചല്‍ സ്വദേശിയായ റസൂല്‍ പൂക്കുട്ടി ശബ്ദ മിശ്രണത്തിനാണ് ഓസ്കര് നേടിയിരിക്കുന്നത്. റഹ്മാന് ഇരട്ടമധുരമാണുള്ളത്. സംഗീത സംവിധാനത്തിനും പശ്ചാത്തല സംഗീതത്തിനാണ് റഹ്മാന് ഓസ്കാര്‍ നേടിയിരിക്കുന്നത്.
സംഗീത സംവിധായകനായിരുന്ന ആര്‍.കെ.ശേഖറിന്റെ മകന്‍ എ.ആര്‍.റഹ്മാന് ഓസ്‌കറില്‍ ആദരിക്കപ്പെടുമ്പോള്‍ മലയാളത്തിന് ആഹ്ലാദിക്കാന്‍ ഏറെ വകയുണ്ട്. ഓസ്‌കറിലെ മലയാളിത്തിളക്കം റഹ്മാനില്‍ അവസാനിക്കുന്നില്ല. സ്‌ലംഡോഗിന്റെ ശബ്ദമിശ്രണത്തിന് നാമനിര്‍ദേശം നേടിയ റസൂല്‍പൂക്കുട്ടിയാണ് കേരളത്തിന്റെ രണ്ടാം സാന്നിധ്യമായത്
ഇന്ത്യയിലെ ദാരിദ്ര്യമാണ് ബോയ്ല്‍ വില്‍പ്പനച്ചരക്കാക്കിയതെന്ന് ഇവിടുത്തെ പ്രമുഖ സിനിമാ പ്രവര്‍ത്തകര്‍ പ്രതിഷേധമുയര്‍ത്തിയപ്പോഴും ലോകമെങ്ങും ഈ കൊച്ചുസിനിമയ്ക്ക് കിട്ടിയ സ്വീകാര്യത അതിനെയെല്ലാം കാറ്റില്‍പ്പറത്തി. മികച്ച ചിത്രത്തിനും സംവിധായകനുമുള്‍പ്പെടെ പത്ത് ഓസ്കര് നാമനിര്‍ദേശങ്ങള്‍ ചിത്രം കരസ്ഥമാക്കി.
ബ്രിട്ടീഷ് അക്കാദമി അവാര്‍ഡായ ബാഫ്തയില്‍ ഏഴു പുരസ്‌കാരങ്ങള്‍ സ്വന്തമാക്കിയപ്പോള്‍, അതില്‍ എ.ആര്‍. റഹ്മാനും റസൂല്‍ പൂക്കുട്ടിയും ഇന്ത്യയുടെ അഭിമാനങ്ങളായി. ഓസ്‌കറിന്റെ മുന്നൊരുക്കമായറിയപ്പെടുന്ന ഗോള്‍ഡന്‍ ഗ്ലോബ് പുരസ്‌കാരങ്ങളില്‍, നാലെണ്ണം സിനിമയെ തേടിയെത്തി. അതിലുമൊന്ന് എ.ആര്‍.റഹ്മാനുള്ളതായിരുന്നു. ബാഫ്തയിലും ഗോള്‍ഡന്‍ ഗ്ലാബിലും മികച്ച
ചിത്രത്തിനും മികച്ച സംവിധായകനുമുള്ള അവാര്‍ഡുകള്‍ സ്‌ലംഡോഗിനാണ് ലഭിച്ചത്
റസൂല്‍ പൂക്കുട്ടി സിനിമ കാണുകയല്ല, കേള്‍ക്കുകയാണ് എന്നേ പറയാനാകൂ. ലോകത്തെ നിരീക്ഷിക്കുമ്പോഴും അദ്ദേഹം ശബ്ദങ്ങള്‍ക്ക് കാതോര്‍ക്കുന്നു. സിനിമയില്‍ ഒരു അപശബ്ദം ഉയര്‍ന്നാല്‍ ശബ്ദസംവിധായകനെ കാണികള്‍ പഴിച്ചേക്കും. അല്ലെങ്കില്‍ അയാളുടെ സാന്നിധ്യം ആരും അറിയില്ല. തനിക്ക് ഓസ്കര് നോമിനേഷന്‍ നേടിത്തന്ന 'സ്ലംഡോഗ് മില്യനയറി'ലെ ശബ്ദരഹസ്യങ്ങള്‍ ബോളിവുഡിലെ വിലപിടിപ്പുള്ള ഈ മലയാളി വെളിപ്പെടുത്തുന്നു.
അഞ്ചല്‍ വിളക്കുപാറയില്‍ താമസിക്കുമ്പോള്‍ 12 കിലോമീറ്റര്‍ അകലെയായിരുന്നു 'ജയമോഹന്‍' തീയേറ്റര്‍. ഒരുമരച്ചീനി മാന്തിക്കൊടുത്താല്‍ ഉമ്മ 50 പൈസ കൊടുക്കും. ഇങ്ങനെ സ്വരൂപിച്ച പണംകൊണ്ട് സിനിമ കണ്ട ബാല്യമാണ് ഈ 37 കാരന്‍േറത്. ഫിലിം ഇന്‍സ്റ്റിറ്റിയൂട്ടിലൊക്കെ പഠിച്ചശേഷം സിനിമയിലാണ് എന്നല്ലാതെ റസൂല്‍ എന്താണ് ചെയ്യുന്നതെന്ന് ഗ്രാമീണര്‍ക്കും അറിയുമായിരുന്നില്ല. മുമ്പ് തൃശ്ശൂരില്‍ മധുര്‍ഭണ്ഡാര്‍ക്കറിനൊപ്പം റസൂല്‍ ചലച്ചിത്രോത്സവത്തിനു വന്നപ്പോഴും ആരും തിരിച്ചറിഞ്ഞില്ല. ഇന്ന് അണിയറയില്‍നിന്ന് ഇയാള്‍ പ്രശസ്തിയുടെ ആകാശത്തേക്ക് കുതിച്ചിരിക്കുന്നു. ഓസ്കര് കിട്ടിയാലും ഇല്ലെങ്കിലും ഇന്ത്യന്‍ സിനിമയുടെ സാങ്കേതിക രംഗത്തെ 'മില്യനയര്‍ ബോയ്' ആയി റസൂല്‍ മാറിയിരിക്കുന്നു
