Saturday, August 9, 2008

മൂടുപടം



ഇന്നത്തെ സൂര്യന്‍ അസ്തമിച്ചു !
ഉച്ചമുതല്‍ മഴ പെയ്യുകയായിരുന്നു
മഴ പെയ്യുമ്പോള്‍ പുറത്ത്
പോര്‍ച്ചില്‍ ഇറങ്ങി നില്ക്കാം
മഴച്ചാറല്‍ മുഖത്തേയ്ക്ക് തെറിച്ചു വീഴും.

കരയുന്ന മാനം ഇത്രയും നേരം
ഉള്ളില്‍ ഒതുക്കിപിടിച്ചതോക്കെകരഞ്ഞു തീര്‍ക്കുന്നു...
ഇത്രവിശാലമായ അകാശത്തിന്റെ മനസ്സിലും ദുഃഖം
എന്തീനാ ആകാശമേ നിനക്ക് ഈ ദുഖം?
നിനക്ക് സൂര്യനില്ലേ ?
ചന്ദ്രനില്ലേ ?
അനേകായിരം നക്ഷത്രങ്ങളില്ലേ?
പാറിപറക്കുന്ന മേഘങ്ങളില്ലേ?

എനിക്കറിയില്ല നിന്റെയുള്ളിലെന്താണെന്ന്
എന്തിന്?
എന്റെയുള്ളില്‍ എന്തെന്നു പോലുംഅറിയുന്നില്ല ഞാന്‍

പറഞ്ഞിരിക്കുന്നതിനിടക്ക് ഒരു യാത്ര പോലും
പറയാതെ പോയ് മറഞ്ഞു സന്ധ്യയും.

മേഘത്തിന്റെ മൂടുപടമിട്ട്
ചന്ദ്രികയും വന്നെത്തി നൊക്കി
നീയെന്തിനാ കാപട്യത്തിന്റെ മൂടുപടം എടുത്തണിയുന്നത് ?
മനസ്സില്‍ വിരിയുന്നതീമൂടുപടത്താല്‍ മറയ്ക്കാനോ?
എല്ലം നീ കാണുന്നു എന്നിട്ടും രാവിന്റെ മറവിലും
മൂടുപടത്തിന്റെ പിന്നിലും ഒളിക്കുന്നതെന്തേ?
ആ മേഘചീളിനെ തള്ളിമാറ്റി
മൂടുപടം മാറ്റി മുഖം കുനിയ്ക്കാതെ
യാഥാര്‍ത്ഥ്യത്തേ സധൈര്യം വന്നെതിരേക്കൂ!

10 comments:

കാപ്പിലാന്‍ said...

ഇന്ന് വൈകിട്ട് മുതല്‍ ഇവിടെ നല്ല മഴ ആയിരുന്നു ചേച്ചി.രണ്ടുമൂന്നു പ്രാവശ്യം കരണ്ട് പോയി.

എന്തായാലും അതെല്ലാം ചേര്‍ത്ത് കവിത തീര്തല്ലോ ..

ഞാന്‍ തന്നെ തേങ്ങാ ഉടയ്ക്കാം നീ "തേങ്ങാ "തിരി :)

കാപ്പിലാന്‍ said...

അയ്യോ ഒരു കാര്യം മറന്നു .തേങ്ങാ തിരിച്ചതെയുള്ളൂ ..ഉടച്ചില്ല ..

ദാ..കിടക്കുന്നു

(((((((((0)))))))))))

പാമരന്‍ said...

യാഥാര്‍ത്ഥ്യത്തേ സധൈര്യം വന്നെതിരേക്കൂ!

O.T. കാപ്പിലാന്‍റെ കമന്‍റുകലക്കി :)

Rajeesh said...

മഴ പെയ്തൊഴിഞ്ഞു മനസ്സു കുളിര്‍ത്തില്ലേ ? പിന്നെയെന്തിന് മൌനം...ദുഃഖം ?

thoufi | തൗഫി said...

ദുഖങ്ങളെല്ലാം കണ്ണീരായി പൊഴിക്കുന്ന
ആകാശത്തിന്റെ വിലാപം ഈ വരികളില്‍
നൊമ്പരമായി പെയ്തിറങ്ങുന്നു.

--മിന്നാമിനുങ്ങ്

Gopan | ഗോപന്‍ said...

ചേച്ചി..
മൂടുപടം ആരുടെയാണെങ്കിലും പ്രകൃതിയെ ഉള്‍ക്കൊണ്ടു എഴുതിയ വരികള്‍ വരികള്‍ നന്നായി. യാഥാര്‍ത്യത്തെ നേരിടുവാന്‍ വേണ്ട ധൈര്യം ജഗദീശ്വരന്‍ നല്‍കട്ടെ..

sv said...

നന്നായിട്ടുണ്ടു...നന്മകള്‍ നേരുന്നു

ജെയിംസ് ബ്രൈറ്റ് said...

നല്ല കവിത.
മൂടുപടം നമുക്കു വേണ്ട..!

പ്രിയ ഉണ്ണികൃഷ്ണന്‍ said...

നന്നായിരിയ്ക്കുന്നു

നിരക്ഷരൻ said...

യാഥാര്‍ത്ഥ്യത്തെ എതിരേല്‍ക്കണം അല്ലേ ?
അതാണ് ..അതിനാണ്...ബുദ്ധിമുട്ട്.
ശ്രമിച്ച് നോക്കാം ചേച്ചീ...
:)