Tuesday, September 9, 2008

ഹ്യദയം നിറഞ്ഞ ഓണാശംസകള്‍ ...!

ഓര്‍മ്മകള്‍ ഊഞ്ഞാലാടുന്ന മനസ്സിന്റെ തളിര്‍ ചില്ലയില്‍ നിറമുള്ള ഒരായിരം ഓര്‍മ്മകളുമായി വീണ്ടുമൊരു പൂക്കാലം വരവായി. കൈവിട്ടുപോയ ബാല്യത്തിന്റെ നനുത്ത മൂടല്‍ മഞ്ഞിനപ്പുറത്തെവിടനിന്നോ പൂവിളികേട്ടുണരുന്ന പ്രഭാതങ്ങളും, പപ്പടത്തിന്റെ പരിമളം മണക്കുന്ന പകലുകളും, ഊഞ്ഞാല്‍‌പാട്ടുകളൊഴുകിയെത്തുന്ന പുഷ്പസുഗന്ധികളായ സന്ധ്യകളും, ഓണനിലാവിനു കുളിരേകുന്ന തിരു‌വാതിര പാട്ടിന്റെ ശീലുകളും അനേകമനേകം അടരുകള്‍ക്കപ്പുറത്തുന്നിന്നും മനസ്സിലേക്ക് വന്നണയുകയായി.

തിരുവോണപുലരി പൊന്നിന്‍പ്രഭചൊരിഞ്ഞ് കിഴക്കേമാനത്ത് രക്തസിന്ദൂരം വാരിവിതറുമ്പോള്‍, കുളിച്ച് കുറിതൊട്ട്, ഓണപുടവയുടുത്ത്, മുറ്റത്തെ ചാണകം മെഴുകിയ കളത്തില്‍ ആവണിപലകയിട്ട് കത്തിച്ച നിലവിളക്കിന്റെ ഭദ്രദീപത്തിനുമുന്നില്‍ മുക്കുറ്റിയും, തുമ്പയും, ചെമ്പരത്തിയും വര്‍ണ്ണപ്രപഞ്ചം തീര്‍ക്കുകയായി. പപ്പടത്തിന്റെയും, ഉപ്പേരിയുടേയും പരിമളം ഒഴുകിയെത്തുന്ന മാവിന്‍ ചുവട്ടില്‍, സ്വര്‍ണ്ണനൂലുകള്‍ ഇഴപിരിച്ച ഊഞ്ഞാലില്‍ ആടി കാണാകൊമ്പിലെ ഇലകടിച്ചെടുക്കാന്‍.പിന്നെ തൂശനിലതുമ്പില്‍ വിളമ്പിയ പച്ചടി, കിച്ചടി, അച്ചാറ്, അവിയല്‍ തോരന്‍, ഓലന്‍, തിയ്യല്. തുമ്പപ്പൂചോറില്‍ പരിപ്പൊഴിച്ച്, പപ്പടം പൊടിച്ച് നെയ്യും ചേര്‍ത്ത് വിഭവസമ്യദ്ധമായ സദ്യ. സാമ്പാറ്, പുളിശ്ശേരി, പച്ചമോര്, അവസാനം മധുരം കിനിയുന്ന പാല്‍പ്പായസം. ഊണുകഴിഞ്ഞ് വീണ്ടും ഊഞ്ഞാല്‍ ചുവട്ടിലേക്ക്. ആട്ടവും, പാട്ടും, കളികളുമായി വീണ്ടും ഒരു ഓണം. ഗ്രഹാതുരതയുടേയും സന്തോഷത്തിന്റെയും സമ്മിശ്രമായ ഈ ഓണനാളുകളില്‍ ഒത്തിരി സ്നേഹത്തോടെ ഒരായിരം സ്നേഹാദരങ്ങളോടെ എല്ലവര്‍ക്കും ഹ്യദയം നിറഞ്ഞ ഓണാശംസകള്‍ ...!

9 comments:

മാണിക്യം said...

ഓണാശംസകള്‍ ...!
തുമ്പ പൂ നുള്ളി നടക്കും
പൊന്നോണ പൂ തുമ്പികളെ
ചെല്ല പൂം കാറ്റിന്‍ തേരില്‍
പൊന്‍ ഓണത്തിന് വന്നവരെ..
നിറമുള്ള ചേല ഉടുത്തു ..
ചിറകുള്ള ഒരഴകും കൊണ്ട്
ഒരു പിടി അവലും
പുതിയൊരു പാട്ടും ..
കൊണ്ട് കൊടുക്കാന്‍ വാ..

ഒത്തിരി സ്നേഹത്തോടെ
സ്നേഹാദരങ്ങളോടെ
എല്ലാവര്ക്കും
എന്റെ ഹ്യദയം നിറഞ്ഞ
പൊന്നോണ ആശംസകള്‍..

പാമരന്‍ said...

എല്ലാര്‍ക്കും ഓണാശംസകള്‍..!

പ്രിയ ഉണ്ണികൃഷ്ണന്‍ said...

ഓണാശംസകള്‍

ബൈജു സുല്‍ത്താന്‍ said...

ഹൃദയപൂര്‍വ്വം ഓണാശംസകള്‍

smitha adharsh said...

Onaashamsakal..

Dr. Prasanth Krishna said...

ഓര്‍മ്മകള്‍ ഊഞ്ഞാലാടുന്ന മനസ്സിന്റെ തളിര്‍ ചില്ലയില്‍ നിറമുള്ള ഒരായിരം ഓര്‍മ്മകളുമായി വീണ്ടുമൊരു പൂക്കാലം വരവായി. ഗ്രഹാതുരതയുടേയും സന്തോഷത്തിന്റെയും സമ്മിശ്രമായ ഈ ഓണനാളുകളില്‍ ഒത്തിരി സ്നേഹത്തോടെ ഒരായിരം സ്നേഹാദരങ്ങളോടെ എല്ലവര്‍ക്കും ഹ്യദയം നിറഞ്ഞ ഓണാശംസകള്‍ ...!

കാപ്പിലാന്‍ said...

ഓണാശംസകള്‍..

നിരക്ഷരൻ said...

ഓണാശംസകള്‍

Gopan | ഗോപന്‍ said...

ഓണാശംസകള്‍ !